Como aniquilar o galego, versión Xunta

Imos ver como proceder para aniquilar a lingua galega desde as institucións de forma que todo pareza que flúe con normalidade.

Para iso botamos man dun perfil oficial, o do twitter da iniciativa da Xunta para o desenvolvemento de vehículos non tripulados. Aí botamos un chío, en español, claro. Para que non veñan por detrás os do galego a rosmar facemos un fío co chío tamén en galego, pero o galego xa secundario. No twitter só vemos o chío en español, para acceder ao chío en galego hai que acceder a el, e total, xa o tiñamos no chío principal. Primeira victora para a exclusión do galego

✈️ INSCRICIÓNABERTA!! Este venres, 8 de xullo, temos unha cita importante co emprendemento innovador. Celebramos a xornada de presentación da 4ª edición da @bfaero_es

📍 Onde: @axenciaGAIN e #online.

📆 08/07 - 10:00h

🔗https://t.co/wG4A80q130@Xunta

— Civil UAVs Initiative - Xunta de Galicia (@civiluavs) July 4, 2022

En segundo lugar, o chío enlaza co portal das xornadas que anuncia, en español e onde teremos o programa das mesmas, tamén en español. Segunda victoria para a exclusión do galego.

Mais, se temos a ansia de ir ao chío en galego e prememos no enlace sobre as xornadas, volveremos ao portal das xornadas outra vez en español. Terceira victoria para a exclusión do galego, pero non a última.

Se, aínda así, somos teimudos e no portal buscamos a opción de linguas ES/GZ e escollemos galego, poderemos volver ao programa das xornadas outra vez en español.