Quero aplicar a miña ciencia á lingua para pintar a face do noso maior ben colectivo: o galego







sexta-feira, 24 de fevereiro de 2017

RosalíaTe, RosalíaTe, RosalíaTe, RosalíaTe, RosalíaTe, RosalíaTe, RosalíaTe, RosalíaTe, RosalíaTe

Na orde pola que se aprobou o calendario escolar do presente curso 16-17, a Consellería de Educación recomenda celebrar as seguintes conmemoracións (artigo 8):
  • 20 de novembro de 2016: Día Universal da Infancia.
  • 25 de novembro de 2016: Día Internacional contra a Violencia de Xénero.
  • Do 1 ao 11 de decembro de 2016: conmemoración da Constitución e do Estatuto de autonomía de Galicia.
  • 10 de decembro de 2016: Día da Declaración Universal dos Dereitos Humanos.
  • 30 de xaneiro de 2017: Día Escolar da non Violencia e da Paz.
  • 8 de marzo de 2017: Día Internacional da Muller.
  • 15 de marzo de 2017: Día Mundial dos Dereitos do Consumidor.
  • Do 6 ao 10 de marzo de 2017: Semana da Prensa. 
  • 7 de abril de 2017: Día Mundial da Saúde.
  • Entre o 17 e o 21 de abril de 2017: Semana do Libro.
  • 9 de maio de 2017: Día de Europa.
  • Do 9 ao 17 de maio de 2017: Semana das Letras Galegas.
  • 5 de xuño de 2017: Día Mundial do Medio Ambiente.
Un total de 13 conmemoracións. Entre elas non aparece o Día de Rosalía a pesar de que, a instancias da CIG-Ensino, se solicitara a inclusión desta data nese listado. Razóns para esta exclusión non parece haber ningunha máis que o intento de poñerlle freo ao orgullo pola lingua que nos identifica. Agora ben, despois de visto o tremendo éxito que está a ter a celebración do Día de Rosalía, vai ser mellor que os responsables da Consellería de Educación busquen un agocho onde ocultar as súas vergonzas, se é que as teñen.
Como mostra da enorme repercusión do Día de Rosalía, vai esta escolma de mannequin challenges realizados ao abeiro da convocatoria da AELG. Os que están aquí son só unha pequena mostra, para máis información consultar na páxina da AELG ou no seu blogue.


Ten moitísimo mérito que estes cativiños da EEI (Escola de Educaición Infantil) Monte da Guía de Teis (Vigo) ficaran tan inmóbiles como estatuas para este Mannequin Rosalía



O seguinte mannequin ten a particularidade da súa enorme duración, percorreron todo o CPI As Mirandas (Ares) para levalo a cabo



No terceiro, do IES de Curtis, descúbrennos unha biblioteca moi ben coidada. Canto traballo silencioso hai en moitos centros de ensino! Ademais cunha música e realización envexables



A rapazada o IES de Salvaterra de Miño tivo a orixinal idea de facer o seu mannequin na Casa da Matanza (e non foi o único que fixeron)



No IES Campo de San Alberto (Noia) xogaron coa velocidade das imaxes polo que conseguiron, nun vídeo de curta duración, percorrer todos os corredores do centro



Pódese aplicar a técnica do mannequin challenge para realizar unha curta, contar unha historia, recitar un poema e pegalle unha volta a uns versos do XIX tales que resulten plenamente actuais? Se pensar que non pode ser, mira este vídeo do IES Laxeiro (Lalín)



No IES Aquis Celenis (Caldas de Reis) teceron xuntas o nobelo de Rosalía



Do IES Xelmirez II (Santiago) recoollín este vídeo de 1ºB, aínda que alí nos abriron as portas a todas as aulas de 1º da ESO.




Finalmente, no meu centro, o ENDL compuxo este inquietante vídeo con referencias á emigración e reivindicando o nome de Rosalía de Castro para o aeroporto de Santiago:




P.S.:BNG pide á Xunta a inclusión do Día de Rosalía no calendario escolar, 24/02/14, Sermos Galiza

Sem comentários:

Enviar um comentário