Quero aplicar a miña ciencia á lingua para pintar a face do noso maior ben colectivo: o galego







quinta-feira, 1 de setembro de 2011

En perigo a normalización dos concellos

A CTNL (Coordinadora de Traballadores de Normalización da Lingua)  vén de denunciar que o vindeiro día 11 cumprirase o prazo de 6 meses indicado na convocatoria de axudas de promoción da lingua galega nas administracións locais co que automáticamente se desestimarían as solicitudes de subvención.
A CTNL  denunciou en anos anteriores a ineficacia desta convocatoria debido á tardanza na resolución. Pero este ano supéranse todos os records de ineficacia pois nunca nunca se tardou tanto en publicar a resolución e agora, co agravante da negativa a ofrecer información sobre a convocatoria de axudas. A CTNL non recibiu ningunha resposta da SXPL polo que sospeitan que mediante o procemento do silencio administrativo queren facer desaparecer este tipo de axudas. Unhas axudas das que a pesar de contaren cun orzamento ben cativo, a propia SXPL explicaba que se convocaban para garantir unha maior visibilidade e proxección da lingua galega desde o ámbito local. Será que desde a SXPL o que están a procurar é xusto o contrario do que predican, tal e como demostran acotío os feitos.

Sem comentários:

Enviar um comentário