12 faltas no web en galego do Valedor do Pobo no que se dictan as instrucións para presentar queixas por correo electrónico. Unha por cada 20 palabras.
*Nombre, *desea, *iterrogantes, *procedemiento, *a [contracción], *calqueira, *ustede, *instrucción, *usted, *interponer, *correspondiente
Está visto que quen despreza o que ignora, é porque tamén ignora o que despreza
Este exemplo non é máis que unha das moitas demostracións que podemos ver acotío de como o coñecemento da nosa lingua é realmente pobre. Por iso agás que consideremos que a cultura galega simplemente, sobra, pode defender modelos de ensino que reduzan a súa presencia na escola. A idea subxacente e non declarada, por obscena, é que o galego é prescindible xa que debe ir sempre acompañado dunha tradución ao español, que é o único que realmente serve. Por suposto, o mesmo recurso-web en castelán non padece destes problemas.
O resultado é que temos un Valedor do Pobo que non sería quen de superar os estándares de coñecemento da lingua propios dun neno de 5º de primaria.
Que terá que dicir o Conselleiro de Educación a isto?
Pq nom presenta umha reclamaçom ao vaedor do povo contra o valedor do povo por conculcaçom dos direitos lingüisticos??
ResponderEliminarEu vin até 7 erros máis nesa foto:
ResponderEliminar*incluir por incluír
dirección postal por enderezo postal
*respostando por respondendo
*dictou por ditou
*sentencia por sentenza
a partires por a partir
coa mesma por con ela
Tomo nota dos outros erros. Eu non che son o máis indicado para detectalos pois, como pasei polo sistema educativo galego, teño grandes dificultades para o seu uso correcto. Non é así no caso do castelán.
ResponderEliminarCuriosamente fun dar con esta páxina cando mandei unha queixa ao propio Valedor contra a súa iniciativa de censura dun libro de texto por reproducir o apartado 5.1 do Estatuto. E pensei en engadir outra queixa sobre este asunto, pero xa estaba demasiado cabreado como para facelo. Penso que, en todo caso, habería que dirixirlle a queixa ao Conselleiro de Educación (gabinete.educacion@edu.xunta.es) pedindo explicacións sobre cal é a política educativa do ensino galego pois é, en defintiva, a culpable da comisión destes disparates.