Quero aplicar a miña ciencia á lingua para pintar a face do noso maior ben colectivo: o galego







mércores, 14 de decembro de 2011

O libro que queren censurar o Valedor e o Conselleiro de Educación

Segundo o presunto Valedor do Pobo, Benigno López,  os contidos destas páxinas do libro de 5º de primaria conteñen "información inexacta e incompleta, e polo tanto falsa", ademais "non só carece de rigor científico imprescindible nos libros de texto senón que transmite unha información contraria á configuración constitucional e de cooficialidade lingüística como expresión xurídica do bilingüismo". Cómpre lembrar que Benigno López foi un maxistrado coñecido pola súa oposición a usar no seu labor os topónimos galegos a pesar de seren éstes os únicos oficiais. Tamén foi acusado moitas veces pola Mesa de que sistemáticamente obstaculiza as queixas pola vulneración dos dereitos dos galego-falantes e actúa en contra da promoción do uso da nosa lingua.[1, 2, 3, 4, 5, 6 ]
Jesús Vázquez secunda esta opinión, e faino para mandarlle unha mensaxe moi clara ao profesorado: que evite explicar nas súas clases que o artigo 5.1 do Estatuto di que 'a lingua propia de Galicia é o galego', tal e como se indica no libro de texo que se pretende censurar.
 Tamén se pode comprobar que na unidade didáctica, tamén se fala da Constitución, do español, e do Valedor do Pobo do que indica que a súa misión principal é a de 'recoller as queixas dos cidadáns e cidadás sobre as posibles violacións dos seus dereitos e liberdades por parte da Adminsitración'. Pola contra o señor Benigno López insta á Administración a violar os dereitos da cidadanía galega. Velaquí que temos un Valedor e un Conselleiro que non merecían ter aprobado nin 5º de primaria.


2 comentarios:

  1. O máis incomprensible de todo este esperpento é que este Valedor do Pobo foi elixido por unanimidade polo Parlamento en 2007 en plena lexislatura do bipartito. Onde tiñan a cabeza?

    Currículo de Benigno López González - Valedor do Pobo

    Foi nomeado Valedor do Pobo de Galicia polo pleno do Parlamento de Galicia na súa xuntanza do 17 de xullo de 2007. O 27 de xullo de 2007 tomou posesión do cargo de Valedor do Pobo de Galicia, elixido por unanimidade dos membros do Parlamento de Galicia.

    http://www.valedordopobo.com/index.php?s=218

    ResponderEliminar
  2. asi nos vai con estos elementos, xa non precisamos mais enemigos.

    ResponderEliminar