Quero aplicar a miña ciencia á lingua para pintar a face do noso maior ben colectivo: o galego







sábado 27 abril 2013

Post-it pola lingua



Para o día de Sant Jordi a Plataforma per la Llengua fixo unha proposta ben simpática: un mural de post-it polo catalán. A convocatoria foi todo un éxito: na plaça dels Àngels xuntáronse finalmente 10.000 post-it con referencias e apoios á lingua do oriente peninsular.
O que quixera destacar nesta entrada é, ademáis da orixinalidade da acción, a alegría con que habitualmente se fan estas campañas de reivindicación da lingua en Cataluña. Nesta ocasión son os membro do grupo Txarango os que cargados de enerxía e boas vibracións nos invitan a participar no evento.
Boto en falta algo así en Galicia, tanto desde as institucións como desde as plataforma de defensa do galego. Algo sucederá por aquí para que este tipo de spots festivos sexan algo completamente inédito. No entorno da política lingüística galega todo é triste e húmido. Basta dar unha volta polo portal da Secretaría Xeral de Política Lingüística ou pegarlle un repaso ao texto do decreto para o plurilingüismo para entender porque por estas latitudes e lonxitudes nin hai bailes nin soa a música polos eidos da normalización. A ninguén lle ha de estrañar que as empresas con máis futuro na nosa terra sexan as funerarias.

A noticia en Vilaweb

Ningún comentario:

Publicar un comentario