Agora podemos ver unha presentación de Anxo Lorenzo sobre planificación lingüística do ano 2006. Na diapositiva número 22 indica que as tres características que debe ter esa planificación:
transversalidade, consensualidade e coordinación. Na número 24 desenvolve o segundo destes aspectos indicando que a política lingüística debe deseñar consensos e pactos así como falar e negociar moito fóra do alcance mediático.
A conclusión, diapositiva 26, é que se debe desenvolver en profundidade o Plan Xeral de Normalización da Lingua (PXNL)
Lembremos algúns dos obxectivos do PXNL:
- Alcanzar un uso maioritario do galego na docencia, entre os docentes e nas relacións escolares en xeral.
- Fomentar o uso progresivo do galego desde a etapa preescolar (0-3 anos), de xeito que se superen as fortísimas carencias que se observan nos primeiros banzosdo ensino.
- Lograr que o ensino obrigatorio garanta unha competencia plena no idioma galego e repercuta de forma efectiva na súa adopción como lingua habitual por
parte das novas xeracións.
2.1.22. Establecer unha oferta educativa en galego en preescolar (0-3 anos) e na educación infantil para todos os nenos e nenas galegofalantes.
2.1.23. Fixar, como mínimo, un terzo do horario semanal en galego nestas etapas educativas para os contextos e contornos nos que a lingua predominante sexa o castelán, coa intención de que esta porcentaxe se vaia incrementando progresivamente.
2.1.24. Desenvolver programas experimentais en galego para castelanfalantes, asegurando o seu rigor pedagóxico, así como o seu seguimento e avaliación.
2.1.25. Fomentar a adquisición progresiva da lectura e da escritura en galego, na perspectiva de que este se converta no idioma de base da aprendizaxe escolar.
Ningún comentario:
Publicar un comentario