Eu non creo que Luís Tosar exista. Se existira sería un mostruo, un animal extraterrestre.
Din del que falou en galego! Raro me parece.
Porque o normal é que os xogadores do Deportivo, os de brasil incluídos, falen sempre en castelán, en Galicia.
Porque o normal é que os do Celta, falen sempre en castelán, en Galicia.
Porque o normal é que moitos conselleiros, vicepresidentes, alcaldes, galegos, falen, ben por veces, ben sempre, en castelán, en Galicia.
Porque o que realmente sucede, é que cando imos ao banco, todos nos falen en castelán, en Galicia.
Porque o que realmente sucede, é que cando imos ao xulgado, a falar cun avogado, todos nos falen en castelén, en Galicia.
Porque o que realmente sucede, é que cando abrimos un periódico feito en Galicia, estea escrito en castelán, en Galicia.
Porque o que realmente sucede, é que toda a rotulación, as etiquetas e prospectos, só aparezan en castelán, en Galicia.
Porque o que realmente sucede, é que cando estamos mirando a TVG, o Luar, por exemplo, e aparece alí un mago portugués, éste se esforce por falar en castelán, en Galicia.
Din de Tosar que falou ...en galego!....e que foi fóra de Galicia!....en Madrid!....e cando lle estaban recoñecendo o seu labor profesional!
Xa vedes por que non creo que ese tal Tosar exista. Eu, por aquí non o vexo. En Galicia.
Ningún comentario:
Publicar un comentario