Na imaxe podedes ver a denuncia que se fai. Renfe acaba de poñer en marcha novos convois, pero a pesar de que o galego, ademais do castelán e o inglés son as linguas oficiais da compañía, a catelería nestes coches é toda en castelán. Como sempre, está claro que isto non lle afecta nada á normalización do inglés, mais sí ao do galego.
O mesmo sucede cos sinais acústicos, que só os emite en castelán.
No artigo nomeado engádense estas outras afrentas:
O uso parcial do galego tamén se fai patente nas estacións, onde cada vez é máis habitual a súa exclusión, e na páxina web, onde se atopa relegado a un segundo plano da interface. Amais, o español segue a impoñerse no servizo telefónico de atención ao cliente. Nalgunhas ocasións, os teleoperadores chegan a solicitarlles aos galegofalantes que empreguen o castelán “ao non comprendelos ben”. E iso que a Carta Europea das Linguas Minoritarias recolle a obriga de empregar o galego no sector público. O propio Consello de Europa advertiu nun informe publicado no 2008 que “non se realizaron actividades para promover” o seu uso “no servizo de ferrocarrís (Renfe e Adif)”. “Nestas compañías, o galego utilízase nalgunhas ocasións en documentos oficiais. Con todo, existe unha escasa dotación de persoal galegofalante que poida prestar servizos nesta lingua”, conclúe
Ningún comentario:
Publicar un comentario