"Michael Jackson, o negro que non quería ser negro, que renegaba dos seus, que quería ser branco e derivou nun triste androide"
Así é como se explica o significado da chamada síndrome de Michael Jackson no celebrado libro "55 mentiras sobre a lingua galega". Nesta mesma liña temos os galegos que renegan de selo, que non falan galego, que tampouco defenden o seu uso, nin a normalización da nosa lingua, que non queren que os seus fillos falen en galego, e que o falen ben.Son xentes que teñen por menos aos que falamos en galego, que desprezan á lingua máis desfavorecida. Se algunha vez falan galego, fálano mal a propósito, para que se note que o falan con desprezo, e que non o fan por ruralismo nin porque o defendan, nin porque o sintan. Sonche unha xentiña que procuran disimular o seu acento e gostan de que o galego sexa discriminado, ocultado, acoutado, minimizado. Son galegos que, como Michael Jackson, renegan de o seren, e quixeran ser outra cousa. E acaban sendo... algo así como un híbrido fracasado. Todo por renegar da súa identidade.
Ningún comentario:
Publicar un comentario