O galego é a chave. Desenvolvemento do acto de Queremos Galego.

Foi un acto moi dinámico, instrutivo e divertido o que se pudo presenciar o pasado día 30 na Sala Capitol de Santiago. Combináronse as intervencións de moitas personalidades do mundo académico e social con actuacións musicais realmente impresionantes.

Falaron Ernesto Chao, presidente de Escena Galega, Manuel Rivas [vídeo], Xosé Lois (O Carrabouxo), Pilar García Negro [vídeo] e Carlos Callón [vídeo].

Na parte musical desfrutamos das actuacións de Ugía Pedreira, Roberto Sobrado [vídeo], ou dun moi celebrado Miro Casabella [vídeo]

Mais eu quixera destacar unha intervención e unha actuación. A primeira é o magnífico discurso de Teresa Moure, por claro, anovador e polo ben escrito que está. Unha perla. No apartado musical o que para min foi un descubrimento, Roi Casal, con catro cancións realmente excepcionais, unha delas "Máxicamente vello" é precisamente a adaptación do poema de Manuel María que lle daba título ao acto: O galego é a chave coa que abrimos o mundo.