Galiza co Galego e Prolingua

No Galicia Hoxe apareceu onte un artigo co título Engraxando a máquina no que se comentan as últimas novas da iniciativa Galiza co Galego, a plataforma que frente aos contínuos ataques á nosa lingua,  quer crear escolas privadas en galego. A idea xa foi criticada desde Terra e Tempo, por ser anti-social. Hoxe membros desta plataforma entrevistaranse con Carlos Callón, presidente da Mesa pola Normalización.
Tamén se informa de que  Prolingua vai iniciar unha campaña de correos masivos para protestar polas situacións de acoso que vive o idioma galego.