Quero aplicar a miña ciencia á lingua para pintar a face do noso maior ben colectivo: o galego







sexta-feira, 17 de dezembro de 2010

Callón no xulgado por defender o galego

O secretario comarcal da CIG-ensino, Eduardo Álvarez, presentara unha queixa por recibir unha notificación do xulgado en castelán, na que ademais se usaba o presunto topónimo *La Coruña. O xuiz Antonio Fraga Mandián respondeulle que era só un erro ortográfico.
O sindicalista respondeu que "din os diccionarios que cínico é quen mente para xustificar unha ilegalidade". O xuiz presenta unha denuncia por inxurias. Durante o xuízo Mandián, xuiz decano da Coruña declara que "no tengo ningún rubor en utilizar la ilegalidad del topónimo La Coruña".
Carlos Callón, como presidente da Mesa, denuncia públicamente a manifestación do xuiz: "por apoloxía de desobediencia da legalidade" que sería especialmente grave ao se tratar dun maxistrado". O xuiz, demanda a Callón.
Onte o presidente da Mesa comparece nos xulgados para facer frente a esta demanda e alí négase a declarar por lle negaren o dereito a recibir a documentación e notificacións en galego, quen subliñou que "parte da documentación non pode estar en galego porque o impide o programa informático da Xunta".


Carlos Callón, denunciado por lembrarlle ao xuíz decano da Coruña que ten que cumprir a Lei de normalización from Fundación Bautista Álvarez on Vimeo.

Sem comentários:

Enviar um comentário