Quero aplicar a miña ciencia á lingua para pintar a face do noso maior ben colectivo: o galego







sexta-feira, 17 de dezembro de 2010

flzta o ndl e o annov n glg!

A Coordinadora Galega de Equipos de Normalización e Dinamización Lingüística (CGENDL) bota por fóra coa gran cantidade de actividades e recursos que nos achega últimamente.
Hai ben pouco inzábase a súa web con ducias de recursos entre os que podemos contar cancións, vídeos, modelos de cartas aos Reis Magos, actividades do Apalpador, contos, teatro, refráns, ...
Tamén poñen á nosa disposición postais de nadal para que lle engadamos o noso texto co fin de que as enviemos ás nosas amistades.


Por último a CGENDL vén de convocar un concurso de sms arredor do tema das felicitacións de nadal e ano novo. Está pensado sobre todo para o alumnado do ensino non universitario (o afectado polo funesto decreto de plurilingüismo), no entanto a convocatoria está aberta a todo o mundo.
Podemos participar enviando a nosa mensaxe ou ben cubrindo  un formulario para votar as que máis nos gusten.
Para os torpes coma min neste tipo de historias desde a CGENDL fornécenos dun diccionario de termos sms, ...ntndsm?

O traballo que realiza esta xente é enorme. Parabéns, unha vez máis, para a Coordinadora.

Sem comentários:

Enviar um comentário