Ferrín: "Espero que o Decreto do galego non chegue nunca a promulgarse"

Xosé Luís Méndez Ferrín, presidente da Real Academia Galega (RAG) asegurou hoxe nunha entrevista á Televisión de Galicia que espera que "o decreto do galego que se está a propoñer non chegue nunca a promoverse".
O escritor e académico non dubidou en cualificar a norma proposta pola Xunta como "demasiado radical". "É un decreto demasiado radical para un Goberno que ten unha maioría tan exigua", aclara Ferrín, que recomenda ao Executivo do PP "ter prudencia política e atender ás demandas sociais"
O presidente da RAG agarda que Feijóo "tome en conta a unanimidade social" contra este decreto, sobre todo despois dos ditames contrarios da súa institución, o Consello da Cultura e mais o Consello Escolar. "O Consultivo di o mesmo", sentenciou.