denuncia dun novo desprezo do galego feito pola política lingüística da Xunta, en Prolingua:
A Xunta silencia unha proposta de edición multilingüe de obras literarias galegas, catalás e vascas
Traguerán os camiños algún día
a xente que levaron. Deus é o mesmo.
X. M. Díaz Castro
Aproveitando a presentación da edición bilingüe en galego-éuscaro da obra de Díaz Castro Nimbos/Argi-koroak, o goberno vasco anunciaba unha proposta (https://www.irekia.euskadi.net/es/news/23710) conxunta coa Generalitat de Cataluña e a Xunta de Galicia para instar o Goberno de España a poñer en marcha unha iniciativa para a edición multilingüe (catalán-castelán-éuscaro-galego) de obras literarias representativas das linguas minorizadas.
Sete son as conclusións do Galeusca 2010 celebrado na Coruña entre o 29 de outubro e o 1 de novembro. Tres delas están adicadas en exclusividade ao goberno galego.
1. Demanda do goberno central dunha política de fomento das literaturas nacionais en pé de igualdade coa literatura escrita en lingua castelá.
2. Denuncia das política sestatais que pretenden anular o espíritu de progresividade da lexislación vixente.
3. Reivindicación dunha maior presenza nos currículos escolares das literaturas nacionais.
4. Rexeitamento á aprobación unilateralmente imposta do goberno galego do decreto para o plurilingüismo.
5. Denuncia da regresión de investimentos en cultura da Xunta de Galicia.
6. Desacordo coa convocatoria dos agora chamados "Premios de creación" da Consellería de Cultura.
7. Necesidade de defensa dos sinais de identidade dos pobos.
