O PP do País Valencià da Comunidade Valenciana lánzase á nobre causa de que as nais e os pais participen máis activamente na vida educativa das súas crianzas. Os mércores, quedada coa titoría. O xoves, reunión da Anpa. O venres, denuncia do profesorado que adoutrina nas aulas aka que non pensan coma nós.
Alina é unha alemana que fala catalán e que non sabe o castelán. Montou na súa bicicleta para percorrer o País Valenciano e coñecer cal é a situación da súa lingua. Trátase dun documental que segue a estela doutro, Són bojos, aquests catalans!?, dirixido tamén por David Valls.
O documental volveu agora a estar de actualidade porque Vicent Satorres, o subdirector de política lingüística valenciano, acaba de permitir que se difunda unha entrevista que anteriormente impedira que fose incluída no documental Què ens passa, valencians!? As razóns de por que fixera iso ninguén acerta a entendelas despois de ver a entrevista, que non ten nada realmente destacable e Vincent Torres non fai declaracións que poidan dar lugar a un escándalo social ou político. Cousas que pasan coa política lingüística, está visto. Velaquí o retallo que fora censurado:
En Valencia un plan de decreto de plurilingüismo co mesmo roteiro que o que estamos a sufrir aquí en Galicia, segue recibindo contestacións. No caso deste vídeo son os rapaces os protagonistas.
